கனக்கணம்

-

 கனக்கணம்


பல நாட்கள்

பல நூறு மணிகள்

பல்லாயிரம் நிமிடங்கள்

பல கோடி கணங்களை கடந்தாயிற்று...

கடைசி ஒரு கணம்

ஒரே ஒரு கணம் எஞ்சியுள்ளது

கடக்கவே முடியாத எடையுடன்

இதுவரை கடந்துவந்த அத்தனை கணங்களின் கனத்தையும்

 தன்னுள் ஒருக்கிக்கொண்டு

மாபெரும் பனிமலை போர்வையென உடலை இறுக்குகிறது

எலும்புகள் கிட்டித்து நொறுங்க ஆயத்தமாகின்றன

மனதிடம் மன்றாடுகிறேன் 

ஒரு கணம்தான்...

கனக்கனமானாலும் ஒரே ஒரு கணம்

தாங்கிவிடு தாங்கிவிடென...

 

அந்த அந்தகக் கணம் முடியுமுன்னே

பனிமலைப் போர்வை ஆவியாய் மறைந்தது

அவள் விழிக் கூர்முனையின் துளியின் துளியில் கசிந்த

விகசிப்பின் வெம்மையில்

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

களிறன்ன நறுமாமலர்

-
படம்
  எழுத்தாளர் ஜெயமோகன் விஷ்ணுபுரம், பின்தொடரும் நிழலின் குரல், காடு, கொற்றவை போன்ற பெருநாவல்களையும் வெண்முரசு என்ற பெயரில் 26 நாவல்கள் கொண்ட தொகுதியையும் படைத்துள்ளார். பிரமாண்டமான இவற்றின் நிழலில், அவர் எழுதிய சிறு நாவல்களான ரப்பர், கன்னியாகுமரி, ஏழாம் உலகம், அனல் காற்று, இரவு, உலோகம்  போன்றவை மறைந்து கிடக்கின்றன. இவை மட்டுமல்லாமல் குறு நாவல்களும் சிறுகதைகளும் தனியாக குவிந்துள்ளன. இவற்றுள் கன்னியாகுமரி, அனல் காற்று, இரவு மூன்றும்  மனிதர்களுக்குள் காமத்தினால் ஏற்படும்  சிக்கல்களையும் அதனால் மனதில் உண்டாகும் உலைதல்கள், கொந்தளிப்புகளை  பேசுபொருளாகக் கொண்டவை. இவற்றுள் இரவு  முதன்மையான நாவலாகும். எல்லாவற்றையும் பட்டவர்த்தனமாய் சுட்டிக் காட்டி வெம்மையின் மொழியில் பேசும் பகல் தந்தையைப் போல. பகலை முழுக்க அறியமுடிவதால் சற்று விலக்கம் ஏற்படுகிறது. பெரும்பாலானவற்றை மறைத்து தேவையானதை மட்டும் காட்டி, தண்மையான மொழியில் பேசும் இரவு தாய் போல. இதை முழுவதுமாய் அறியமுடியாததாலேயே அணுக்கமானதாகவும் பிரியத்திற்குரியதாகவும் உள்ளது. பிரபஞ்சத்தில் பல்லாயிரக்கணக்கான சூரியன்களில் ஒன்ற...
மேலும் »

ஆழ்ந்ததால் திரண்டவை

-
படம்
    நூல் : தீ நின்ற பாதம் ஆசிரியர் : சம்யுக்தா மாயா பதிப்பகம் : சால்ட்              ***** சமூகம் அனைவரும் சராசரிகளாக இருப்பதையே விரும்புகிறது. சராசரியாக இருக்கத் தூண்டுகிறது. சராசரியாக இருப்பதென்பது எந்த ஒன்றிலும் ஆழ்ந்துவிடாமல் எல்லாவற்றையும் மேலோட்டமாக நுனிப்புல் மேய்வதைப்போல அறிந்துகொள்வதும், எல்லாமே எனக்குத் தெரியும் என்ற ஆணவத்துடன் இருப்பதுமாகும். எனக்குத் தெரியாத விசயமே கிடையாது என்று பெருமையாகச் சொல்வதில் மனிதர்கள் பேரின்பம் அடைகிறார்கள்.    இதற்கு எதிர்மாறாக கலை இலக்கியச் செயல்பாடுகள் என்பது எந்த ஒன்றிலும் ஆழ்ந்து ஈடுபடுவதைக் கோருகிறது. எந்த அளவிற்கு ஆழ்கிறோமோ அந்த அளவிற்கு அதன் வெளிப்பாட்டின் தன்மை இருக்கும். படைப்பவர்கள் மட்டுமல்லாமல் அதனை துய்ப்பவர்களும் கலையில் ஆழ்ந்து ஈடுபட்டால் மட்டுமே படைப்பாளி செல்லும் ஆழத்தை அணுக்கமாகத் தொடர்ந்து படைப்பை மெய்யாக உணரமுடியும்.     கவிஞர் சம்யுக்தா மாயா மிக ஆழ்ந்து செல்லக்கூடியவர் எனக் கருதுகிறேன். அவரது இருவேறு களங்களான காதல் கவிதைகளும...
மேலும் »

கோர்க்கப்பட்ட பட்டயங்கள்

-
படம்
  'கொடை மடம்’ தமிழில் கவிதை, சிறுகதை எழுதுபவர்களில் ஒருவரான எழுத்தாளர் சாம்ராஜ் அவர்களின் முதல் நாவல். வித்தியாசமான வடிவம் கொண்ட நாவல் இது. அத்தியாயங்கள், உபகதைகள் என இரு சரடாக இந்நாவல் பகுக்கப்பட்டுள்ளது. அத்தியாயங்களாக உள்ளவை முகுந்தன் மற்றும் ஜென்னி இருவருக்குமான காதலைக் கூறுவதாகவும் உபகதைகள் பல்வேறு அமைப்புகளாகச் சிதறுண்ட மார்க்சிய லெனிய (மா.லெ) அமைப்புகளில் இயங்கிய, ஒருவருக்கொருவர் தொடர்பில்லாத வெவ்வேறு மனிதர்களின் வாழ்வினைக் கூறுவதாகவும் அமைந்துள்ளது. மேலோட்டமாகப் பார்த்தால் முகுந்தன்-ஜென்னி இடையிலான கதை எளிமையான காதல் கதை போல தோற்றம் கொண்டுள்ளது. இதற்கு முக்கிய காரணம் உபகதைகளில் கூறப்படும் வாழ்வின் தீவிரத் தன்மைதான். ஆனால், உண்மையில் எளிமையென எண்ணச் செய்யும் முகுந்தனின் வாழ்வும் அதேயளவு கடினமானதுதான். பெரு நிறுவனங்கள் தங்கள் பொருட்களுக்கான விற்பனை வாய்ப்புகளை அறிவதற்காக முகவர்களை அமர்த்துகிறார்கள். அவர்கள் குறைந்தபட்சம் நாற்பது வினாக்கள் அடங்கிய தாளை (கொஸ்டினர்) தங்கள் பிரதிநிதிகளிடம் கொடுத்து மக்களிடம் அனுப்பி பதில் பெறுகிறார்கள். அவர்கள் அளிக்கும் பதில்களைக் கொண்டு மக்களின...
மேலும் »